موضوع من عالم غريب

البنية: لازم اكولك شي

الولد: شكو؟؟؟؟

البنية: انا كلش معجبة بيك.......واعتقد........اعتقد انه جاي اوكع بحبك

الولد:.........اوكي

البنية: شنو قصدك اوكي؟؟؟؟؟؟؟؟؟

الولد: اني ما احبج بهل طريقة

البنية: ليش لا؟؟؟؟؟

الولد: اني ما اكدر اكلج هسة........يمكن بعدين اكلج

من هذاك اليوم, ظلت البنية تسألة " ليش لا" كلما تشوفة, والولد نفس الجواب " يمكن بعدين اكلج" , اخير شي البنية طكت روحة

البنية: اني تعبت من هل وضع, كلي ليش متحبني مثل ما احبك؟؟؟؟؟؟؟؟

الولد: انتي صدك تردين تعرفين؟

البنية: اييييييييييييييييييي

الولد: السبب انه انتي مو حلوة.......شنو الفائدة انه اطلع وية وحدة اذا هية مو حلوة

البنية: بس.......اني

الولد: بس اسكتي.....وواتركيني وحدي

الولد راح....والبنية ظلت كاعدة وحدهة, تبجي بجي ما صاير
بعدين التلفون يدك

البنية: الوو

امهة: هلو شلونج, اريدج ترجعين للبيت, زين؟ واني اجي بعد ساعة, اوكي؟؟؟؟

البنية: اوكي امي

امهة: باي بنيتي

البنية: باي امي

البنية اول بوجهة راحت للبيت, ورأسن دخلت للحمام وظلت اتباوع على نفسهة بالمرايا

البنية: اني حلوة؟؟؟؟

بدت اتسوي شغلة......وهية تعرف شراح يصير.......ورة ساعتين اجتي امهة للبيت, وسمعت المي بالحمام مفتوح, صعدت فوك وشافت المي واصل ليم الدرج, فدكت عل باب مال حمام

امهة: شنو هاي انتي بيج شي؟؟؟؟؟؟؟

فتحت امهة الباب وفزت كلللللش عل منظر.......البانيو جاي مليان ويطلع منة المي للكاع.....والمي كلللة احمر

تمشت على كيفهة حتى تشوف شنو القصة ولمن وصل للبانيو كامت تعيط وتصيح, هناك, بنتهة الصغيرة جانت مبطوحة وكلهة مشطبة ومقطعة على وجهة وايديهة, امهة راحت دتركض تصيح الشرطة, بس فد شي شافت مكتوب عل مرايا مال الحمام: اني حلوة هسة؟؟؟؟

محد بالدنية يستاهل ينكالة هل كلام من شخص يحبه, اذا شفت بالقصة فائدة, رجاءا ارسلها لاصدقائك

الشكل الخارجي للشخص ترة مو مهم, اللي يهم هو قلبهم شكد يجبك وشخصيتهم, محد يحب يناكلة انت مو زين اللي

يعني شنو الفائدة تاخذلك وحدة او واحد شكلة حلو, وبالبيت نحس وعصبي ودائما خلوهة ابالكم ترة الحلو او الحلوة دائما ابالهة او ابالة " اني اكدر احصل اللي اريدة"
وللاسف قسم منهم صح

انشاء والله ورة هاي القصة بلكن اكو كم شخص يتغير ويفكر بالمنطق الصح وكلنة حلوين

ارجوا ارسال ارائكم عل موضوع

والقصة طبعا بالانكليزي واني ترجمتهة

والله انتوا تساهلون

يلة جاوبوا برئيكم على جمال او القلب اللي هو اهم وياريت اذا اكو قصة الكم او لاصدقائكم صايرة تشاركونة بيهة حتى الكل اتصير عندة تجارب

وشكرا الكم

باع ابو الموضوع حلو بس ميستاهل تشرح روحه علمود واحد رفضهه وطبعا الشكل مو فد شي رئيسي بس هذا الشي يتحكم بهوايه سوالف تصير بعدين ومشكووووووووووووووووووووووووووووووور

» جديد عالم العاب الموبيلات2008اقدم لكم اعزائي احدث نسخة وعلى صيغة jar
» الكل خلي يدخل موضوع كلش حلو
» ما قاله العظماء في الحب(موضوع انفلاقي)