حفلة الكلية قربت وينكم؟ نريد افكاركم...

الى طلاب الصيدلة الدايحين الى طلاب الصيدلة المحششين الى طلاب الصيدلة المالهم علاقة بالسج...اخيرا وبعد انتظار طويل رح يجي اليوم الي الكل منتظريه اليوم الي تطلعون حوبتكم بيه من الكلية وضيم الكوزات والاورلات اليوم الي ميبقى بي كائن حي (بي حيل )ميذب لحم ...انه يوم حفل تخرج دورة ال...(بعدنة ممسميهة وما اعرف تسلسلها بس يمكن 72 ) طلاب هذا يومكم مو بس يوم طلاب صف خامس ونريد مشاركاتكم وافكاركم لان الكل رح يحتفلون ويانة بدون استثناء من طلاب الاول الى طلاب الدكتوراه(تخسة عني... حتى جلدي كزبر من كلت دكتوراه) كلمن عندة فكرة تحشيشية محد مسويهة كبل ياريت ينورنة بيهة لان نريد نعلكههههههههههههة حتى بلكي العميد يشوفنة ويكول هذولة مو شكول صيادلة والله يهدي ويذب استقالة(كولوا آمين) شكد مابيكم استعجلوا لان الحفلة ورة المد وينرادلهة تحضير قبل 60 سنة من يوم الحفلة منتظركم لتفشلونة لان حفلة الصيدلة مشهودلهة وينحجي بيهة من باقي الجامعات اخوكم آسر المخزومي

شكرا اسر اني اقترح نسويها حفلة تنكرية كل واحد يلبس شكل ولا تنسون الفرقة الموسيقية واقترح ان اجيبون واحد يغني .....(وين كاعدين بدسكو)* حبيبي انتوا بكيفكم شتريدون اسون سو واحنا وياكم ولاتنسون اغنية الي سوها بس اطلب منك طلب.....
اريد الاغنية على نمط اجنبي ارجوك....وتقبل تحياتي....

love me and i show you my heart beat singing your name


i u 4 ever

منوووووووووووور حبي اسر احنه تره بالاهليه مو بالحكوميه زززززززززين واسم دورتنه جان صيادله اكفااااء (دشوف الحمووووووووووووضه) وانتوا ما شاء الله هوايه تصور احنه المرحله الخامسه كلهه 12 ولد وتخيل بس والله >اك اليوم طكوا الصوره جانت فيكه ووراها سووا عزيمه باللا>قيه واقترح عله الاغاني مال هلوكت تيسير وربعه وانت اعرف بالتحشيش

تسلمون حبايبي على ردودكم وافكاركم بس اريد تفاصيل اكثر يعني هية اكيد رح تصير حفلة تنكرية واكيد بيهة ديجي واغاني ردح هذا فد شي منتهين منة بس اريد تكلولي بالضبط بيا زي نتنكر لان نريد زي جديد وممطروق كبل ونريد اسم كروب جديد لان هاي الاسامي مال الحشاشة وغيرهة كامت تتكرر هواية والعالم بزعت منهة خلي انطيكم مثال حتى تتوضح الصورة اكثر مثلا اني اريد اسوي كروب اسميه الصكاكة ويكون زيهم عبارة عن ناس ملثمين وبيديهم اسلحة وسيوف وهراوات ومن هالملاعيب واريد بالكلية بموقع الكروب احط مشانق وغرف تعذيب(جنت اشتغل صكاك كبل وكلش متاثر بالوضعية ) وكراسي مال صعق بالكهرباء هاي اذا جانت موجودة واذا مموجودة التعذيب يصير باللالة وبعدني ممكمل الفكرة ادري الفكرة كلش ماساوية ومستوحاة من واقع الشعب العراقي بس هذا الآني مفكر بي ودا اكللكمياه حتى تعرفون الفكرة بالضبط شلون تصير يعني تنطوني اسم كروب واللبس وملاعيب العيد اللي رح تنحط بالموقع مال كروب واي افكار اللخ بعدني منتظركم بس استعجلوا لان ماكو وكت...اخوكم آسر

هلوووو اني اقترح تصير حفله تنكريه بس الكل يلبس نفس البس البنات والولد وكله تدرون الوضع يخبل فنسويه كله رمانات وصواريخ ورشاشات بس ها مال الاطفال مو تصدكون وتروح اتجيببولنا صواريخ وقذائف وتجيبون فرقه موسيقيه واشتغلوا يا ولد هذا يومكم بالاخص الاول عبالك انتو الي تتخرجون مو الخامس ههههههههههههههه هاي لو انتو تتخرجون شرح اتسون الله يعلم خليه سكته احسن خلي ننتظر خمس سنوات ونشوفكم شرح اتسون بس مو تفضحونه كدام اهلنا تدرون لان رح يجون ويانه

اسفه على الاطاله بالكلام تقبلو تحياتي شمس الاحلام

يسلموووووووووو شموسة عالمشاركة وصدكيني بس يجي يوم تخرجكم مراح نقصر وياكم ونفضحكم كدام اهلكم بحيث يكولون هذولة صيادلة لو عربنجية ؟اريد تفاصيل يمعودين لخاطر الله مو الحفلة اجتي وجنهة رح تكلب 3 ساعات صمت

ههههههههههههههههههههههههههه يمعود يمكن ولا ثانيه صمت لعد انتو وين وشنو شغلكم

يابة على كيفكم شنو هاي لحد هسة انطيتوني 532 فكرة صاير علية ازدحام احبابي كسر بجمع الحفلة يوم 3|5وكلكم (مو بهارات)مدعوين للحفلة احنة كروبنة اسمة الهنولولو وهوة عبارة عن جزيرة نسويهة بنص الكلية البنات رح يلبسون شفقات وعليهة فواكه وداير مدايرهم زهور وهاي الملاعيب والود رح يلبسون هاي القمصان الزرق ورق والبيهة ورود خضرة وحمرة وزركة يعني بين قوسين رح نطلع ترفكلايت ونلبس شورتات حتى نضحك العالم علينة ورح نحط بالنافورة اللي بنص كليتنة (اذا شايفيهة)من هاي الالواح مال تزلج وامواج وملاعيب مال نجار وبعدهة الافكار ممكتملة وبعدني منتظر مشاركتكم بس مو عشرة عشرة على كيفكم وياية

هلو حبي اسير شلونك منوووووووووور حبي باع عيني انتوا بالحفله شلون يعني مراح تلبسون القوط مالتكم والاربطه وتشيكون والبنات يشتغلون لباخه من الاربعه الفجر بيوم الحفله لان اليوم رحت للحفله مال طب بغداد والله جانوا خوش مرتبين نفسهم والكروبات مسويه ملاعيب العيد كلش حلوه فوالله ماعدي افكار الزود بيكم بس حبي اسير اني اريد رقمك علمود لمن نجي تفوتنه فبراحتك تريد ادزليا عالخاص او عالعام براحتك اخوووووووووووك درررررررررررريم

حبي دريم اولا اسمي آسر مو اسير ثانيا انتو بس تجون تكلولهم احنة من طرف آسر ومعليك بالباقي المهم تشرفونة وتتونسون ويانة لان التحضيرات على قدم وساق ورح نسوي فد شي انفجاري بس نسيت اكلك انه الحفلة صارت يوم الاثنين 5|5كل الهلا بيكم ووتشرفونة