storm عريف سجاج
عدد الرسائل : 70 العمر : 35 الموقع : www.6rb.com علم بلدك : نشاط العضو : sms :
تاريخ التسجيل : 15/11/2007
| موضوع: قصه حب الجزء الثالث الخميس فبراير 14, 2008 1:15 pm | |
| قصة حب 3
قصة حب ثري مو يعني ام بي ثري اقصد الحلقة الثالثة من قصة الحب الاول بحياتي وهاي القصة من 2356 حلقة يعني الي يسمع يكول حب نانسي عجرم مو ابنية عادية
من خلصنة الدوام بلكلية وتفارقنة ظليت اني سارح افكر بيها سحرتني من اول نظرة وظليت صافن ما اشعر ابالي حتى رجعت للبيت مشي نسيت اركب باص
وامشي والي يدك هورن ويكول اثول ما تشوف والي يكلي شبيك دابة ما تشوف بس ما عرفت شنو قصدة دابة يمكن شتيمة مو مشكلة الدابة تلف تلف وترجع على صاحبها اذا شتيمة وامشي وامشي والي يسلم عليه وما ارد عليه لان صافن ويكلي يمعود ستورم السلام لله بس ما اشعر صافن وامشي بنص الشارع وجان انسمط بلعامود وجان العامود يكلي هم انت يا اثول ما اتشوف جان اصير عصبي اني اثول لوانت اكو عامود بنص الشارع جان العامود يكول اها والله صدك اني اسف ستورم كتلة كافي لخاطر الله يا عامود انتة طوختها جان العمود يدنك راسة ويبوس راسي وداعتكم
وصلت للبيت تعبان من المشي وحتى غرفتي طابق ثاني ما بية حيل اصعد جان خطية الغرفة مالتي نزلت من فوك واجتي يمي دخلت بدلت هدوم ورميت نفسي على الفراش وكمت ابجي ابجي وجان اسمع صوت يا ولدي يا ولدي ستورم تعال تناول طعام الغداء مو احنا بلبيت كلة بلفصحى تكولون عايشين بيثرب ونزلت على المائدة و كانت امي طابخة ثريد سيكوتين وكعدت وجان ابوية يحس عليه وقال ولدي ستورم مالك ماذا بك ؟ اخبرني يا اليخاندرو كتلة شنو السالفة اشو كلبتها مسلسل مكسيكي وجان اعوف الاكل وصعدت لغرفتي وذبيت نفسي على الفراش وكمت ابجي ابجي حتى فكرت منا وجاي احط مشمع جوة الفراش وشكد ما ابجي مو الحب صعب عذاب وفجاه كمت قررت اطلع بلسيارة وادور بلشارع عليها اتخبلت اريد اشوفة بعد ما اكدر وبدلت وقبل ما اطلع هم ذبيت نفسي على الفراش وبجيت شوية خمس دقايق
وركبت السيارة البورش نوع لادا موديل 70 وبديت اتجول اباوع على الناس مرتبك بلكت اشوفها يا رب اندعي وشفت محل مال دواشك ومال فراشات وكفت السيارة ورحت على المحل وذبيت نفسي على دوشك ابجي ابجي ومن خلصتة كتلة هذا الدوشك مو زين مال نفر مو مال نفرين
واني بلسيارة اسوق واكول هسة اشوفها وجان اسمع صوت (( لكن سمائك ممطرتا وطريقك مسدود سوف تبحث عنها يا ولدي في كل مكان )) وجان افز من هذا الكلام المخيب الى الامال منو هذا وجان اندار واشوف شرطي المرور واكف بلفلكة ورافع الشفقة مالتة ويفر بلصافورة مالتة وجان انزله وركعته بوكس وجلاق ونفرين دفرة كتلة هية ناقصة الشغلة اجيت عليه
ورجعت للبيت وذبيت السيارة وطلعت بلشارع اركض اركض اركض الى ان فزت بالاولمبيات مال كوريا وبعدين وكف صرخت صرخة حتى افرغ الغضب الي بداخلي صحت علاوي علاوي نفرين علاوي كراج النهضة طالع نفرين نهضة طالع بياع بياع
وهذا اليوم جان الاربعاء والخميس اوف والجمعه عطلة والسبت عطلة يعني ما راح اشوفها الا الاحد وشيجيب الاحد جان اسمع صوت يكول بعد 3 تيام ستورم منو هذا التفتت جان اشوف العمود مال كهرباء يحجي وياية كتلة هلو عامود انت هم مريت بتجربة الحب جان يكول منو تحبني واني بطول البعير هنيالك الحب عذاب عذاب
والتكملة بعد الفاصل | |
|